അപ്പാച്ചിമേട്ടിൽ തീർത്ഥാടകൻ കുഴഞ്ഞുവീണു; ഹൃദയാഘാതത്താൽ മരിച്ചത് പെരിന്തൽമണ്ണ സ്വദേശി

പത്തനംതിട്ട: ശബരിമലയിൽ തീർത്ഥാടകൻ അപ്പാച്ചിമേട്ടിൽ ഹൃദയാഘാതത്തെ തുടർന്ന് മരിച്ചു. പെരിന്തൽമണ്ണ സ്വദേശി രാമകൃഷ്ണൻ (60) ആണ് മരിച്ചത്.അപ്പാച്ചിമേട്ടിൽ ഇന്ന് ഉച്ചയ്ക്ക് ഒരു മണിയോടെയായിരുന്നു സംഭവം.തുടർന്ന് പമ്പ ഗവ.ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മൃതദേഹം നിലവിൽ പമ്പ ഗവണ്മെന്റ് ആശുപത്രിയിൽ സൂക്ഷിച്ചിരിക്കുകയാണ്. തുടർനടപടികൾക്കുശേഷം നാട്ടിലേക്ക് കൊണ്ടുപോകും. ശബരിമലയിൽ ഇന്നും തിരക്ക് തുടരുകയാണ്. ഇന്ന് വൈകിട്ട് അഞ്ചുവരെ 66000ത്തിലധികം ഭക്തരാണ് ദർശനം നടത്തിയത്. സന്നിധാനത്ത് നിന്നും അപ്പാച്ചിമേട് വരെ തീർത്ഥാടകരുടെ വരി നീളുകയാണ്. തിരക്ക് വർധിച്ചതോടെ പമ്പയിൽനിന്നും തീർത്ഥാടകരെ നിയന്ത്രിച്ചാണ് കടത്തിവിടുന്നത്.