ക്രിസ്മസിന് സ്പെഷ്യൽ വന്ദേഭാരത്; ചെന്നൈയിൽ നിന്ന് കോഴിക്കോട്ടേക്ക് സർവീസ്

തിരുവനന്തപുരം: സംസ്ഥാനത്തിന് ക്രിസ്മസിന് സ്‌പെഷ്യൽ വന്ദേ ഭാരത് ട്രെയിൻ അനുവദിച്ചു. ഈ മാസം 25 ന് ചെന്നൈ മുതൽ കോഴിക്കോട് വരെ സ്‌പെഷ്യൽ വന്ദേ ഭാരത് സർവീസ് നടത്തും. യാത്രക്കാരുടെ തിരക്ക് പരിഗണിച്ചാണ് റെയിൽവേയുടെ തീരുമാനം.

പുലർച്ചെ 4.30 ന് ചെന്നൈയിൽ നിന്ന് പുറപ്പെട്ട് ഉച്ചയ്ക്ക് 3.30 കോഴിക്കോട് എത്തുന്ന രീതിയിലാണ് സമയക്രമം. പാലക്കാട്, ഷൊർണൂർ, തിരൂർ എന്നിവിടങ്ങളിലും സ്‌പെഷ്യൽ വന്ദേഭാരതിന് സ്റ്റോപ്പുകൾ ഉണ്ടാകും. നിലിവിൽ ശബരിമല തീർത്ഥാടകർക്കായി ചെന്നൈയിൽ നിന്ന് കോട്ടയത്തേക്കും തിരിച്ചും സ്‌പെഷൽ വന്ദേഭാരത് സർവീസ് നടത്തുന്നുണ്ട്.