കെ എസ് യു പ്രവർത്തകർ എറിഞ്ഞ ചീമുട്ടയുടെയും മുളകുപൊടിയുടെയും ഉറവിടം കണ്ടെത്തണം; സംഭവത്തിൽ അന്വേഷണം നടത്തും; കെ എസ് യു പ്രവർത്തകരുടെ റിമാൻഡ് റിപ്പോർട്ടിൽ പൊലീസ്

തിരുവനന്തപുരം: ഡിജിപി ഓഫീസ് സമരത്തിനിടെ കെഎസ്‌യു പ്രവർത്തകർ ചീമുട്ടയും മുളകുപൊടിയും എറിഞ്ഞ സംഭവത്തിൽ അന്വേഷണം നടത്താൻ പൊലീസ്. കെഎസ്‌യു പ്രവർത്തകരുടെ റിമാൻഡ് റിപ്പോർട്ടിലാണ് പൊലീസ് ഇക്കാര്യം പറയുന്നത്. ജുഡിഷ്യൽ മജിസ്‌ട്രേറ്റ് കോടതിയിലാണ് കസ്റ്റഡി അപേക്ഷ പൊലീസ് നൽകിയത്. അപേക്ഷ 26ന് പരിഗണിക്കും.

അഞ്ച് പ്രവർത്തകരാണ് റിമാൻഡിലുള്ളത്. പ്രതിഷേധത്തിനിടെ പൊലീസിനു നേരെ പ്രവർത്തകർ ചീമുട്ടയും മുളകുപൊടിയും വലിച്ചറിഞ്ഞിരുന്നു. സമരത്തിനിടെ കെഎസ്‌യു പ്രവർത്തകർ വലിച്ചെറിഞ്ഞ ചീമുട്ടയും മുകളുപൊടിയും എവിടെന്നു വാങ്ങിയെന്ന ഉറവിടം കണ്ടെത്തണമെന്നാണ് പൊലിസ് പറയുന്നത്. പ്രതിഷേധത്തിനിടെ പൊലീസിനു നേരെയാണ് പ്രവർത്തകർ ചീമുട്ടയും മുളകുപൊടിയും വലിച്ചറിഞ്ഞത്.

സെക്രട്ടറിയേറ്റ് മാർച്ചിനിടെ അറസ്റ്റിലായ 19 യൂത്ത് കോൺഗ്രസ് പ്രവർത്തകരുടെ ജാമ്യാപേക്ഷയിലും ചൊവ്വാഴ്ച ഉത്തരവ് പറയും