കോഴിക്കോട്: കൊയിലാണ്ടിയിൽ പതിനാറു വയസ്സുകാരിയെ മലമുകളിലെത്തിച്ച് മദ്യം നൽകി ലൈംഗികമായി പീഡിപ്പിച്ചെന്ന കേസിൽ പ്രതികൾക്ക് 25 വർഷം കഠിന തടവ്. തലക്കുളത്തൂർ സ്വദേശികളായ അവിനാഷ്, അശ്വന്ത്, സുബിൻ എന്നിവരെയാണ് കോടതി ശിക്ഷിച്ചത്. കൊയിലാണ്ടി ഫാസ്റ്റ് ട്രാക്ക് സ്‌പെഷ്യൽ കോടതിയുടേതാണ് വിധി. പ്രതികൾ തടവ് ശിക്ഷയ്ക്ക് പുറമേ എഴുപത്തി അയ്യായിരം രൂപ പിഴയുമടയ്ക്കണം.
2022-ലാണ് കേസിന് ആസ്പദമായ സംഭവം നടക്കുന്നത്. ക്ലാസ്സ് കഴിഞ്ഞ് ഒറ്റയ്ക്ക് വീട്ടിലേക്ക് പോവുകയായിരുന്ന പെൺകുട്ടിയെ വീട്ടിൽ കൊണ്ടു വിടാം എന്ന് പറഞ്ഞ് പറ്റിച്ച് പ്രതികൾ തൊട്ടടുത്തുള്ള ഒരു മലയിലേക്ക് കൊണ്ടുപോയി. പിന്നീട് മദ്യം നൽകിയ ശേഷം പീഡിപ്പിക്കുകയായിരുന്നു.അവിചടെ നിന്നും രക്ഷപ്പെട്ട പെൺകുട്ടി പിന്നീട് പീഡനവിവരം പുറത്ത് പറയുകയും വീട്ടുകാരുടെ പരാതിയിൽ എലത്തൂർ പൊലീസ് കേസെടുക്കുകയും ആയിരുന്നു. അന്വേഷണത്തിനൊടുവിൽ പൊലീസിസ് പ്രതികളെ പിടികൂടുകയായിരുന്നു. പോക്‌സോ അടക്കമുള്ള വകുപ്പുകൾ ചുമത്തിയാണ് കേസ്.
