കോഴിക്കോട് ഗുരുവായൂരപ്പൻ കോളേജിലെ യൂനിയൻ ഓഫീസിന് തീവച്ചു; ചുമരുകളടക്കം കത്തിനശിച്ച നിലയിൽ; പൊലീസിൽ പരാതി നൽകി കെ എസ് യു

കോഴിക്കോട്: കോഴിക്കോട് ഗുരുവായൂരപ്പൻ കോളേജിലെ യൂണിയൻ ഓഫീസ് തീവച്ച് നശിപ്പിച്ചതായി പരാതി. കോളേജിലെ യൂനിയൻ കെ എസ് യു പിടിച്ചെടുത്തതിനുശേഷം നവീകരിച്ച യൂനിയൻ ഓഫീസാണ് തീവെച്ച് നശിപ്പിക്കപ്പെട്ടത്. സംഭവത്തിന് പിന്നിൽ സാമൂഹ്യ വിരുദ്ധരാണെന്നും കെ എസ് യു നേതാക്കൾ . ആരോപിച്ചു.

ക്രിസ്തുമസ് അവധിക്ക് ശേഷം ഇന്ന് കോളേജ് തുറന്നപ്പോഴാണ് യൂണിയൻ ഓഫീസ് തീവെച്ച് നശിപ്പിച്ചത് കോളേജ് യൂണിയൻ ഭാരവാഹികളുടെ ശ്രദ്ധയിൽപ്പെട്ടത്. സംഭവത്തിൽ കെ എസ് യു നേതാക്കൾ കസബ പൊലീസിൽ പരാതി നൽകി. പൊലീസ് അന്വേഷണം ആരംഭിച്ചു. യൂനിയൻ ഓഫീസിലെ സാധനങ്ങൾ ഉൾപ്പെടെ കത്തിനശിച്ചിട്ടുണ്ട്. ചുമരുകളും കത്തിനശിച്ച നിലയിലാണ്.