തിരുവനന്തപുരം: ജില്ലയിലെ നാല് തദ്ദേശസ്വയംഭരണ വാർഡുകളിലേക്ക് നടക്കുന്ന ഉപതെരഞ്ഞെടുപ്പിനുള്ള അന്തിമ വോട്ടർപട്ടിക ഈ മാസം 25 ന് പ്രസിദ്ധീകരിക്കും.

തിരുവനന്തപുരം കോർപ്പറേഷനിലെ വെള്ളാർ (വാർഡ് 64), ഒറ്റശേഖരമംഗലം ഗ്രാമ പഞ്ചായത്തിലെ കുന്നനാട് (വാർഡ് 13), പൂവച്ചൽ ഗ്രാമ പഞ്ചായത്തിലെ കോവിൽവിള (വാർഡ് 06) പഴയകുന്നുമ്മേൽ ഗ്രാമ പഞ്ചായത്തിലെ അടയമൺ (വാർഡ് 08) എന്നിവിടങ്ങളിലാണ് ഉപതെരഞ്ഞെടുപ്പ് നടക്കുക. കരട് വോട്ടർ പട്ടിക ജനുവരി ഒന്നിന് പ്രസിദ്ധീകരിച്ചിരുന്നു.

അപേക്ഷകളും ആക്ഷേപങ്ങളും സ്വീകരിക്കുന്ന അവസാന തീയതി ജനുവരി 16 ആണ്. ഇലക്ടറൽ രജിസ്ട്രേഷൻ ഓഫീസർമാർ തുടർ നടപടി സ്വീകരിച്ച് അപ്ഡേഷൻ പൂർത്തിയാക്കലിനുള്ള തിയതി ജനുവരി 24 ആണ്. വോട്ടർ പുതുക്കൽ നടപടികളുടെ ഭാഗമായി തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ, ഉപതെരഞ്ഞെടുപ്പ് നടക്കുന്ന വാർഡുകളുടെ വരണാധികാരികൾ, ഇ.ആർ.ഒ എന്നിവരുടെ യോഗം ഇലക്ഷൻ ഡെപ്യൂട്ടി കളക്ടറുടെ അധ്യക്ഷതയിൽ ചേർന്നു.