പന്തളം: പന്തളത്തിനു സമീപം എംസി റോഡിൽ നിയന്ത്രണം വിട്ട ബൈക്ക് മറിഞ്ഞ് ഇരുപത്തിരണ്ടുകാരന് ദാരുണാന്ത്യം. പഴകുളം ആലുംമൂട് ആലിന്റെ തെക്കേതിൽ സി.കെ.ചന്ദ്രബാലു കുറുപ്പാണ് മരിച്ചത്. കുരമ്പാല ആലുംമൂട്ടിൽ പടിയിലാണ് നിയന്ത്രണം വിട്ട ബൈക്ക് മറിഞ്ഞത്.

ഇന്ന് ഉച്ചയ്ക്ക് ഒരു മണിക്കായിരുന്നു അപകടം. കുരമ്പാലയിൽനിന്നും പറന്തലിലേക്കു പോയ ബൈക്കാണ് അപകടത്തിൽപ്പെട്ടത്. എറണാകുളത്തെ സ്വകാര്യ സ്ഥാപനത്തിൽ ജീവനക്കാരനാണ് ചന്ദ്രബാലു.