സ്‌കൂൾ ബസ് കുട്ടിയുടെ ശരീരത്തിലൂടെ കയറിയിറങ്ങി; അത്ഭുത രക്ഷപ്പെടൽ; ബസ് അലക്ഷ്യമായി ഓടിച്ച് അപകടമുണ്ടാക്കിയ ഡ്രൈവർക്കെതിരെ കേസ്

കൊച്ചി: അലക്ഷ്യമായി സ്‌കൂൾ ബസ് ഓടിച്ച് അപകടമുണ്ടാക്കിയ ഡ്രൈവർക്കെതിരെ പൊലീസ് കേസെടുത്തു. എറണാകുളം പെരുമ്പാവൂർ സ്വദേശി ഉമ്മറിനെതിരെയാണ് കേസ്. വെള്ളിയാഴ്ച വൈകിട്ടാണ് കേസിന് ആസ്പദമായ അപകടമുണ്ടായത്.

കഴിഞ്ഞ ദിവസമാണ് സ്‌കൂൾ കുട്ടികളുമായി പോകുന്നതിനിടെ ഉമ്മർ അപകടമുണ്ടാക്കിയത്. പെരുമ്പാവൂർ മെക്കാ സ്‌കൂളിലെ കുട്ടിക്ക് പരിക്കേറ്റിരുന്നു. സ്‌കൂൾ ബസിൽ വന്നിറങ്ങിയ കുട്ടി മുന്നോട്ട് നടന്ന് പോകുന്നതിനിടെ ബസ് മുന്നോട്ട് എടുക്കുകയായിരുന്നു.

ബസ് തട്ടി വീണകുട്ടി ബസിന് അടിയിൽപ്പെട്ട കുട്ടി തലനാരിഴയ്ക്കാണ് രക്ഷപ്പെട്ടത്. കാലിന് പരിക്കേറ്റ കുട്ടി നിലവിൽ ചികിത്സയിലാണ്. പരിക്ക് ഗുരുതരമാണെന്നാണ് വിവരം. അപകടത്തിന്റെ ഞെട്ടിക്കുന്ന സിസിടിവി ദൃശ്യങ്ങളും പുറത്ത് വന്നിട്ടുണ്ട്.