ബസ് വൈദ്യുതി പോസ്റ്റിൽ ഇടിച്ച് രണ്ട് പേർ മരിച്ചു

കൽപ്പറ്റ: ബസ് വൈദ്യുതി പോസ്റ്റിൽ ഇടിച്ച് രണ്ട് പേർ മരിച്ചു. ബസ് ഡ്രൈവർ നാഗരാജ് യാത്രക്കാരനായ പാൽരാജ് എന്നിവരാണ് മരിച്ചത്. തമിഴ്‌നാട്ടിലെ നീലഗിരി ജില്ലയിലെ പന്തല്ലൂരിൽ മുഴുവൻചേരംപാടിയിലാണ് സംഭവം. തിങ്കളാഴ്ച രാത്രി 7.30 ഓടെയാണ് അപകടം സംഭവിച്ചത്.

തമിഴ്‌നാട് സർക്കാരിന്റെ ബസ് ആണ് അപകടത്തിൽ പെട്ടത്. വാഹനം വൈദ്യുതി പോസ്റ്റിൽ ഇടിച്ച് കയറുകയായിരുന്നു. തുടർന്ന് ഡ്രൈവറും യാത്രക്കാരനും പുറത്തിറങ്ങാൻ ശ്രമിക്കുമ്പോളാണ് വൈദ്യുതാഘാതമേറ്റ് മരിച്ചത്. ഗൂഡല്ലൂരിൽ നിന്ന് അയ്യൻ കൊല്ലിയിലേക്ക് വരികയായിരുന്ന ബസാണ് അപകടത്തിൽപ്പെട്ടത്. എതിരെ വന്ന വാഹനത്തിന് സൈഡ് കൊടുക്കുമ്പോൾ ബസ് വൈദ്യുതി പോസ്റ്റിൽ ഇടിക്കുകയായിരുന്നു.