കൊല്ലം: കരുനാഗപ്പള്ളി കെ എസ് ആർ ടി സി ഡിപോയിൽ ജീവനക്കാർക്കുള്ള വിശ്രമമുറിയും അനുബന്ധ ഓഫീസ് കെട്ടിടവും ഏർപ്പെടുത്തി. പുതുതായി തുടങ്ങുന്ന സംവിധാനങ്ങൾ ഡിപോയ്ക്ക് സമീപം നാളെ വൈകിട്ട് നാലുമണിക്ക് നടക്കുന്ന ചടങ്ങിൽ ഗതാഗത മന്ത്രി കെ ബി ഗണേശ് കുമാർ നാടിന് സമർപിക്കും.

എം എൽ എ യുടെ ആസ്തിവികസന ഫണ്ട് വിനിയോഗിച്ചാണ് വികസനപ്രവർത്തനങ്ങൾ. സി ആർ മഹേഷ് എം എൽ എയുടെ അധ്യക്ഷതയിൽ ചേരുന്ന സമ്മേളനത്തിൽ എ എം ആരിഫ് എം പി മുഖ്യപ്രഭാഷണം നടത്തും. കരുനാഗപ്പള്ളി മുനിസിപൽ ചെയർമാൻ കോട്ടയിൽ രാജു, വാർഡ് കൗൺസിലർ അഷിത എസ്. ആനന്ദ്, കെ എസ് ആർ ടി സിയുടെ സി എം ഡി ബിജു പ്രഭാകർ, ജോയിന്റ് എം ഡി പി എസ് പ്രമോജ് ശങ്കർ, ഇതര ഉദ്യോഗസ്ഥർ, രാഷ്ട്രീയകക്ഷി നേതാക്കൾ തുടങ്ങിയവർ പങ്കെടുക്കും.