അച്ഛൻ കല്ലുകൊണ്ട് അടിച്ച് പരുക്കേൽപ്പിച്ച മകൻ മരിച്ചു

കോഴിക്കോട്: ക്രിസ്തുമസ് തലേന്ന് അച്ഛൻ കല്ലുകൊണ്ട് ഇടിച്ചതിനെ തുടർന്ന് പരിക്കേറ്റ് ചികിത്സയിലായിരുന്ന മകൻ മരിച്ചു. ലാഴി കൊയമ്പ്രത്ത് മേത്തൽ ബസ് ഡ്രൈവർ രഞ്ജിത്ത് (32) ആണ് ദാരുണമായി മരിച്ചത്. ഓട്ടോ ഡ്രൈവറായ അച്ഛൻ രാജേന്ദ്രനെ പൊലീസ് നേരത്തെ തന്നെ അറസ്റ്റു ചെയ്തിരുന്നു. ഇയാൾ ജയിലിലാണ്.

കഴിഞ്ഞ ഡിസംബർ 24നാണ് സംഭവം. ക്രിസ്തുമസ് തലേന്ന് രാത്രിയിൽ അച്ഛനും മകനും തമ്മിൽ വാക്കേറ്റവും പിടിവലിയും ഉണ്ടായി. തുടർന്ന് രഞ്ജിത്ത് സമീപത്തെ വീട്ടിലേക്ക് ഓടിരക്ഷപ്പെടാൻ ശ്രമിച്ചെങ്കിലും പിന്തുടർന്നെത്തിയ രാജേന്ദ്രൻ തലയ്ക്ക് കല്ലുകൊണ്ട് അടിക്കുകയായിരുന്നു. നാട്ടുകാരാണ് രഞ്ജിത്തിനെ ആശുപത്രിയിൽ എത്തിച്ചത്.