മലപ്പുറം; പന്ത് കളിക്കുന്നതിനിടെ ഭാരതപ്പുഴയിൽവീണ് കോഴിക്കോട്് സ്വദേശികളായ വിദ്യാർത്ഥികൾ മുങ്ങി മരിച്ചു. കോഴിക്കോട് പ്രഭോദിനി സ്വദേശികളായ ആയൂർ രാജ് (13), അശ്വിൻ (11) എന്നിവരാണ് മരിച്ചത്. മലപ്പുറം കുറ്റിപ്പുറം എം.ഇ.എസ് സ്‌കൂളിലെ എട്ടാം ക്ലാസ് വിദ്യാർത്ഥിയാണ് മരിച്ച ആയൂർരാജ്. ഇന്ന് ഉച്ചക്ക് 2.30 മണിയോടെ ആയിരുന്നു അപകടം.

തവനൂർ കാർഷിക കോളജിന്റെ പിറക് വശത്തുള്ള കടവിൽ ഫുട്ബോൾ കളിക്കാൻ ഇറങ്ങിയ രണ്ട് വിദ്യാർത്ഥികളാണ് അപകടത്തിൽപ്പെട്ടത്.പന്ത് കളിക്കിടെ പുഴയിലേക്ക് തെറിച്ചുവീണ പന്ത് എടുക്കാൻ ശ്രമിക്കുന്നതിനിടെയായിരുന്നു അപകടം.

പുഴയിൽ മുങ്ങിതാഴുന്ന കുട്ടികളുടെ നിലവിളി കേട്ട് പശുവിനെ മേക്കാൻ വന്ന ആളുകളാണ് കുട്ടികളെ രക്ഷിക്കാൻ ശ്രമിച്ചത് ഉടനെ കുറ്റിപ്പുറത്തെ സ്വകാര്യ ആശുപത്രിയിൽ പ്രവേശിച്ചെങ്കിലും ജീവൻ രക്ഷിക്കാനായില്ല.