തിരുവനന്തപുരം: സൗജന്യ സ്‌കൂൾ യൂണിഫോം പദ്ധതിയിൽ തുണി നെയ്തുനൽകിയ കൈത്തറി നെയ്ത്തുതൊഴിലാളികൾക്ക് 20 കോടിരൂപ അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. നേരത്തേ 53 കോടി നൽകിയിരുന്നു.

തിരുവനന്തപുരംമുതൽ എറണാകുളംവരെയുള്ള ജില്ലകളിൽ ഹാന്റക്‌സും തൃശ്ശൂർമുതൽ കാസർകോടുവരെ ഹാൻവീവുമാണ് യൂണിഫോം തുണി വിതരണംചെയ്യുന്നത്. 6200 നെയ്ത്തുകാരും 1600 അനുബന്ധ തൊഴിലാളികളുമാണ് ഈ പദ്ധതിയുടെ ഭാഗമായി ജോലിചെയ്യുന്നത്.