കാസർകോട്: കാസർകോട് പൈക്കത്ത് ട്രെയിൻ തട്ടി രണ്ടുപേർ മരിച്ചു. രണ്ടു പുരുഷന്മാരുടെ മൃതദേഹമാണ് പാളത്തിന് സമീപം കണ്ടെത്തിയത്. ഇവരെ തിരിച്ചറിഞ്ഞിട്ടില്ല.

പുലർച്ചെ 5.20 നുള്ള മംഗലാപുരത്തു നിന്നും വരുന്ന ഗുഡ്സ് ട്രെയിൻ തട്ടിയാണ് അപകടമെന്നാണ് റെയിൽവേ ജീവനക്കാർ സൂചിപ്പിക്കുന്നത്. 25 വയസ്സിന് താഴെ പ്രായമുള്ള യുവാക്കളാണ് മരിച്ചതെന്നാണ് നിഗമനം.

സംഭവത്തിൽ പൊലീസ് അന്വേഷണം ആരംഭിച്ചു. അബദ്ധത്തിൽ ട്രെയിൻ തട്ടിയതാണോ, ആത്മഹത്യയാണോ എന്ന് അന്വേഷിച്ചു വരുന്നതായി റെയിൽവേ പൊലീസും വ്യക്തമാക്കി.