തിരുവനന്തപുരം: തിരൂർ ജില്ലാ ആശുപത്രിയിലെ പണി തീരാത്ത കെട്ടിടത്തിൽ നിന്നും വീണ് സീനിയർ നഴ്‌സിംങ്ങ് ഓഫീസർ മിനി (49) മരിച്ച സംഭവത്തിൽ സർക്കാർ അടിയന്തര അന്വേഷണം നടത്തി നീതി ഉറപ്പാക്കണമെന്ന് കേരളാ ഗവ: നഴ്‌സസ് യൂണിയൻ. കുടുംബത്തിന് സഹായവും, ആശ്രിത നിയമനത്തിനുള്ള നടപടികളും സർക്കാർ വേഗത്തിലാക്കണമെന്ന് മിനിയുടെ ഭവനം സന്ദർശിച്ച കേരളാ ഗവ: നഴ്‌സസ് യൂണിയൻ സംസ്ഥാന പ്രസിഡന്റ് കെ എസ് സന്തോഷ്, സംസ്ഥാന ജന:സെക്രട്ടറി എസ്.എം അനസ് എന്നിവർ ആവശ്യപ്പെട്ടു.