പാലക്കാട്: നിർത്തിയിട്ടിരുന്ന മിനി ബസിനടിയിൽ കിടന്ന 63കാരൻ വാഹനം പിന്നോട്ട് എടുക്കുന്നതിനിടെ പിൻ ചക്രങ്ങൾ കയറിമരിച്ചു. കല്ലടിക്കോട് തുപ്പനാട് ചെറുളി സ്വദേശി അബ്ദുൾ റഹ്‌മാൻ ആണ് മരിച്ചത്.

തിങ്കളാഴ്‌ച്ച രാത്രി 11.30-ഓടെയാണ് സംഭവം. കല്ലടിക്കോട് സത്രംകാവ് ക്ഷേത്രത്തിലെ ഉത്സവത്തിന് ചെണ്ടമേള സംഘത്തെ എത്തിച്ച ശേഷം പുളിചൊട് ജംങ്ഷനിൽ നിർത്തിയിട്ടതായിരുന്നു വാഹനം.

ഉത്സവം കഴിഞ്ഞു വാഹനം എടുത്തുപോയതിനുശേഷമാണ് റഹ്‌മാൻ മരിച്ചുകിടക്കുന്നത് നാട്ടുകാർ കാണുന്നത്. തുടർന്ന് പൊലീസിൽ വിവരം അറിയിച്ചതോടെയാണ് വാഹനം കണ്ടെത്തിയത്.