കൽപ്പറ്റ: ആക്രമിക്കാൻ പാഞ്ഞടുത്ത കാട്ടുപോത്തിന്റെ മുന്നിൽ നിന്ന് യുവാവ് അത്ഭുതകരമായി രക്ഷപ്പെട്ടു. മൂപ്പൈനാട് പഞ്ചായത്തിലെ ചിത്രഗിരി നീലിമല ഭാഗത്ത് വച്ചാണ് ഇരുചക്ര വാഹനത്തിൽ വന്ന പ്രദീപ് കാട്ടുപോത്തിന്റെ മുന്നിൽ നിന്ന് രക്ഷപ്പെട്ടത്. ചൊവ്വാഴ്ച വൈകിട്ട് 7 മണിയോടെയായിരുന്നു സംഭവം.

ജോലി കഴിഞ്ഞ് മടങ്ങി വരുമ്പോഴാണ് ഭീമൻ കാട്ടുപോത്ത് ഇദ്ദേഹത്തിന്റെ വാഹനത്തിനു നേരെ പാഞ്ഞെടുത്തത്. വീട്ടുമുറ്റത്ത് ഉണ്ടായിരുന്ന അമ്മയും മകനും ഉച്ചത്തിൽ അലറി വിളിച്ചതോടെ പ്രദീപ് വാഹനം റോഡിൽനിന്ന് വെട്ടിച്ചു മാറ്റുകയായിരുന്നു.