കൊല്ലം: ചടയമംഗലം ഗ്രാമപഞ്ചായത്തിലെ കുരിയോട് (ജനറൽ) നിയോജകമണ്ഡലത്തിലെ ഉപതിരഞ്ഞെടുപ്പിനോടനുബന്ധിച്ച് പ്രദേശപരിസരങ്ങളിൽ ഫെബ്രുവരി 21 വൈകിട്ട് ആറ് മണി മുതൽ ഫെബ്രുവരി 23 വരെ ജില്ലാ കലക്ടർ മദ്യനിരോധനം ഏർപ്പെടുത്തി. ബാർ, മദ്യം വില്ക്കുന്ന ഹോട്ടലുകൾ, റെസ്റ്റോറെന്റുകൾ, ക്ലബ്ബുകൾ, മറ്റു സ്ഥാപനങ്ങൾ തുടങ്ങിയവ അടച്ചിടണം. നിരോധനക്കാലയളവിൽ മദ്യമോ സമാനലഹരിവസ്തുക്കളോ വില്ക്കരുത്. വ്യക്തിഗതമായി മദ്യം സൂക്ഷിക്കുന്നതും നിരോധിച്ചിട്ടുണ്ട്.