റോഡ് മുറിച്ചുകടക്കവെ ഇരുചക്രവാഹനമിടിച്ചു; നാലാം ക്ലാസ് വിദ്യാർത്ഥി മരിച്ചു

കോഴിക്കോട്: റോഡ് മുറിച്ചുകടക്കവെ സ്‌കൂൾ വിദ്യാർത്ഥി ഇരുചക്രവാഹനമിടിച്ചു മരിച്ചു. കൊണ്ടോട്ടി എടവണ്ണപ്പാറയിൽ ഇന്നലെ വൈകിട്ട് 4.30 ഓടെയാണ് സംഭവം. മുണ്ടക്കുളം സ്വദേശി ആമിനാബിന്റെ മകൻ മുഹമ്മദ് ഷമ്മാസ് (11) ആണ് മരിച്ചത്. റോഡ് മുറിച്ച് കടക്കവേ വിദ്യാർത്ഥിയെ എതിരെ വന്ന വാഹനം ഇടിക്കുകയായിരുന്നു.

മുണ്ടക്കുളം എഎംഎൽപി സ്‌കൂൾ നാലാം ക്ലാസ് വിദ്യാർത്ഥിയാണ് മുഹമ്മദ് ഷമ്മാസ്. സ്‌കൂളിന് മുന്നിലെ കടയിലേയ്ക്ക് പോകുന്നതിനിടെയായിരുന്നു അപകടം. കുട്ടിയെ ഉടൻതന്നെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. മൃതദേഹം കോഴിക്കോട് മെഡിക്കൽ കോളേജിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും.