ഇടുക്കി: ഇടുക്കി വാഗമൺ മീന്മുട്ടിയിൽ വിനോദസഞ്ചാരത്തിനെത്തിയ കുടുംബം സഞ്ചരിച്ച ബൈക്ക് മറിഞ്ഞ് യുവതി മരിച്ചു. ബിഹാർ സ്വദേശിയായ ദീപയാണ് (27) മരിച്ചത്. അപകടത്തിൽ രണ്ട് പേർക്ക് ഗുരുതരമായി പരിക്കേറ്റു. മീന്മുട്ടി പാലത്തിൽനിന്ന് ഇവർ സഞ്ചരിച്ച ബൈക്ക് താഴേക്ക് മറിയുകയായിരുന്നു.

ദീപയുടെ ഭർത്താവും മകനും ഗുരുതരമായി പരിക്കേറ്റതിനെ തുടർന്ന് കോട്ടയം മെഡിക്കൽ കോളജിൽ ചികിത്സയിലാണ്. ഇന്ന് രാവിലെയാണ് അപകടം നടന്നത്. മീന്മുട്ടി പാലത്തിൽ നിന്നും മൂവരും സഞ്ചരിച്ച ബൈക്ക് താഴേക്ക് മറിയുകയായിരുന്നു.

പാലത്തിന് മുകളിൽ നിന്നും പാറ നിറഞ്ഞ താഴ്ചയിലേക്ക് വീണാണ് ദീപ മരിച്ചത്. അപകടത്തെ തുടർന്ന് നാട്ടുകാരും പൊലീസും ചേർന്നാണ് രക്ഷാപ്രവർത്തനം നടത്തിയത്. വിനോദസഞ്ചാരത്തിനായി കേരളത്തിലെത്തിയ കുടുംബം ബൈക്ക് വാടകയ്ക്ക് എടുത്ത് സ്ഥലങ്ങൾ കാണാൻ പോയതെന്നാണ് പൊലീസ് പറയുന്നത്.