തൃശൂർ: ചാലക്കുടി അതിരപ്പിള്ളി തുമ്പൂർമുഴിയിൽ വീണ്ടും കാട്ടാന ഭീതി. കാട്ടാനക്കൂട്ടം ചായക്കട തകർത്തു. ചായക്കടയിലെ സാധനസാമഗ്രികൾ വലിച്ചിടുകയും ഗ്രില്ല് തകർക്കുകയും ചെയ്തു. കൊന്നക്കുഴി സ്വദേശിനി സുഹറയുടെ കടയാണ് ആനക്കൂട്ടം തകർത്തത്.

ഇന്ന് പുലർച്ചെയാണ് സംഭവം. ആറ് ആനകൾ അടങ്ങുന്ന കൂട്ടമാണ് കടയുടെ ഭാഗത്ത് എത്തിയത്. പതിവായി കാട്ടാന ഇറങ്ങുന്ന പ്രദേശമാണിത്. കഴിഞ്ഞദിവസവും കാട്ടാനക്കൂട്ടം ജനവാസമേഖലയിൽ ഇറങ്ങിയിരുന്നു. സാധാരണയായി എണ്ണപ്പന തോട്ടം ലക്ഷ്യമിട്ടാണ് കാട്ടാനക്കൂട്ടം ഇറങ്ങാറ്. എന്നാൽ ഇത്തവണ തുമ്പൂർമുഴി കാണാൻ വിനോദസഞ്ചാരികൾ ഇറങ്ങുന്ന സ്ഥലത്താണ് കാട്ടാനക്കൂട്ടം എത്തിയത്.