വെള്ളം കോരുന്നതിനിടെ കാൽ വഴുതി നൂറടിയോളം താഴ്ചയുള്ള കിണറ്റിൽ വീണു; ഫയർഫോഴ്‌സ് എത്തി നെറ്റ് കെട്ടിയിറക്കി സ്ത്രീയെ രക്ഷപ്പെടുത്തി

കോഴിക്കോട്: വെള്ളം കോരുന്നതിനിടെ കാൽ വഴുതി നൂറടിയോളം താഴ്ചയുള്ള കിണറ്റിലേക്ക് വീണ സ്ത്രീയെ ഫയർഫോഴ്‌സ് എത്തി രക്ഷപ്പെടുത്തി. ഉച്ചയോടെ കോഴിക്കോട് മാവൂരിലാണ് സംഭവം. കാൽവഴുതി നൂറടിയോളം താഴ്ചയുള്ള കിണറ്റിലാണ് സ്ത്രീ വീണത്. സംഭവം നടന്ന ഉടനെ ഫയർഫോഴ്‌സ് സ്ഥലത്തെത്തി ഇവരെ രക്ഷപ്പെടുത്തുകയായിരുന്നു.

പഞ്ചായത്ത് കിണറ്റിൽനിന്ന് വെള്ളം കോരുന്നതിനിടെ പ്രദേശവാസിയായ ബിന്ദു എന്ന സ്ത്രീയാണ് കിണറ്റിൽ വീണത്. വീഴ്ചയിൽ കിണറിന്റെ വശങ്ങളിലോ മറ്റിടങ്ങളിലോ ഇടിക്കാത്തതിനാൽ വലിയ ദുരന്തമാണ് ഒഴിവായത്. വെള്ളത്തിൽ വീണതിന്റെ അസ്വസ്ഥത മാത്രമാണുള്ളത്. ഫയർഫോഴ്‌സ് എത്തി നെറ്റ് കെട്ടിയിറക്കിയാണ് ഇവരെ പുറത്തെത്തിച്ചത്.