തിരുവനന്തപുരം: സ്‌കൂൾ ഉച്ചഭക്ഷണ പദ്ധതിക്ക് 19.82 കോടി രൂപ അനുവദിച്ചതായി മന്ത്രി കെ.എൻ.ബാലഗോപാൽ അറിയിച്ചു. ജനുവരിയിലെ പാചകച്ചെലവ് ഇനത്തിലാണ് തുക നൽകിയത്. പദ്ധതിക്കു സംസ്ഥാനവിഹിതമായി ഈ വർഷം 122.57 കോടി രൂപ നൽകി.

പോഷൺ അഭിയാൻ പദ്ധതിയിൽ ഈ വർഷം സംസ്ഥാനത്തിന് 284 കോടി രൂപയാണ് കേന്ദ്രവിഹിതമായി ലഭിക്കേണ്ടത്. ഇതുവരെ 178 കോടി മാത്രമാണ് അനുവദിച്ചത്. 106 കോടി രൂപ കുടിശ്ശികയാണെന്നും മന്ത്രി പറഞ്ഞു.