തിരുവനന്തപുരം: സംസ്ഥാനത്ത് ഉയർന്ന താപനിലയെത്തുടർന്ന് ഒമ്പത് ജില്ലകളിൽ മുന്നറിയിപ്പ് പ്രഖ്യാപിച്ചു. കൊല്ലം, പാലക്കാട് ജില്ലകളിൽ 37 ഡിഗ്രി സെൽഷ്യസ് വരെയും കോട്ടയം, തിരുവനന്തപുരം, ആലപ്പുഴ, എറണാകുളം, തൃശൂർ, കോഴിക്കോട്, കണ്ണൂർ ജില്ലകളിൽ 36 ഡിഗ്രി സെൽഷ്യസ് വരെയും ശരാശരി താപനില ഉയർന്നേക്കും. സാധാരണയേക്കാൾ 32 ഡിഗ്രി സെൽഷ്യസ് കൂടുതലാണിത്.

ഉയർന്ന ചൂടിനു പുറമേ ഈർപ്പമുള്ള വായുവും കാരണം ഈ ജില്ലകളിലെ മലയോര മേഖലയിൽ ഒഴികെ ഇന്ന് അസ്വസ്ഥതയുണ്ടാക്കുന്ന കാലാവസ്ഥയ്ക്ക് സാധ്യതയുണ്ടെന്ന് കാലാവസ്ഥാ വിദഗ്ദ്ധർ പറയുന്നു.