ന്യൂഡൽഹി: മൂക്കിന് ഇടിയേറ്റ എട്ടാം ക്ലാസ് വിദ്യാർത്ഥി മരിച്ച സംഭവത്തിൽ ആറാം ക്ലാസുകാരനെ പൊലീസ് അറസ്റ്റ് ചെയ്തു. നോർത്ത് ഈസ്റ്റ് ഡൽഹിയിലെ ന്യൂ ഉസ്മാൻപുരിലെ സ്വകാര്യ സ്‌കൂൾ വിദ്യാർത്ഥിയാണ് പിടിയിലായത്. സ്‌കൂളിനു പുറത്തുവച്ച് നിസാരകാര്യത്തെ ചൊല്ലി് ഇരുവരും തമ്മിലുണ്ടായ ഏറ്റുമുട്ടലാണ് കൊലപാതകത്തിൽ കലാശിച്ചത്.

ആറാം ക്ലാസുകാരൻ എട്ടാം ക്ലാസുകാരനെ ക്രൂരമായി മർദിക്കുക ആയിരുന്നു. മരിച്ച കുട്ടിയുടെ തലയ്ക്കും മുഖത്തും കൈകളിലും പരുക്കേറ്റിരുന്നു. മൂക്കിൽ നിന്ന് അമിതമായി ചോരവാർന്നതിനെ തുടർന്നാണു മരണമെന്ന് പൊലീസ് അറിയിച്ചു.