ആലപ്പുഴ: എസ് ഡി പി ഐ നേതാവ് കെ എസ് ഷാൻ വധക്കേസിലെ കുറ്റപത്രം മടക്കണമെന്ന പ്രതികളുടെ ആവശ്യം കോടതി തള്ളി. ക്രൈം ബ്രാഞ്ച് സമർപ്പിച്ച കുറ്റപത്രം അംഗീകരിക്കരുതെന്ന ആവശ്യം തള്ളിയത് ആലപ്പുഴ ജില്ലാ അഡീഷണൽ സെഷൻസ് കോടതിയാണ്.

കേസിൽ 11 പ്രതികളും നിലവിൽ ജാമ്യത്തിലാണ്. 2021 ഡിസംബർ 18ന് രാത്രിയാണ് എസ്ഡിപിഐ നേതാവ് കൊല്ലപ്പെട്ടത്. കാറിലെത്തിയ സംഘം ഷാനിനെ വെട്ടിവീഴ്‌ത്തുകയായിരുന്നു. നാൽപ്പതിലധികം വെട്ടേറ്റ ഷാനിന്റെ കഴുത്തിലേറ്റ മുറിവാണ് മരണ കാരണം. കുറ്റപത്രം തള്ളില്ലെന്ന് കോടതി വ്യക്തമക്കിയതോടെ വിചാരണ നടപടികൾ തുടങ്ങും.