അടിമാലിയിൽ ഷെൽട്ടർ ഹോമിൽ നിന്നും കാണാതായ പെൺകുട്ടിയെ കണ്ടെത്തി

ഇടുക്കി: അടിമാലിയിൽ പീഡനത്തിനിരയായി ഷെൽട്ടർ ഹോമിൽ കഴിയവെ കാണാതായ പതിനഞ്ച് വയസുകാരിയെ കണ്ടെത്തി. മൂവാറ്റുപുഴയിൽ നിന്നാണ് പെൺകുട്ടിയെ കണ്ടെത്തിയത്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് കുട്ടിയെ കണ്ടെത്തിയത്.

തൊടുപുഴ വെങ്ങല്ലൂർ വരെ പെൺകുട്ടി എത്തിയിരുന്നതായി സിസിടിവി ദൃശ്യങ്ങൾ ലഭിച്ചിരുന്നു. രണ്ട് ദിവസം മുമ്പാണ് പെൺകുട്ടിയെ കാണാതായത്. പരീക്ഷ എഴുതിയ ശേഷം ബസിൽ മടങ്ങവെ പൈനാവിനും തൊടുപുഴയ്ക്കും ഇടയിൽ വച്ച് കാണാതായി. ഷെൽട്ടർ ഹോമിലെ സെക്യൂരിറ്റിക്കൊപ്പം ആണ് കുട്ടി പരീക്ഷയ്ക്കെത്തിയത്.