വാഗമൺ: വാഗമണ്ണിൽ വീട്ടുവളപ്പിൽ ച്ഛനും മകനും ചേർന്ന് നട്ടുവളർത്തിയിരുന്ന കഞ്ചാവ് ചെടികളും കഞ്ചാവും പിടികൂടി. ഒരാൾ പൊലീസിനെക്കണ്ട് ഓടി രക്ഷപ്പെട്ടു. വാഗമൺ പാറക്കെട്ട് മരുതുംമൂട്ടിൽ വിജയകുമാർ (58), മകൻ വിനീത് (27), സമീപവാസി വിമൽ ഭവനിൽ വിമൽ (29) എന്നിവരാണ് ഇടുക്കി ഡാൻസാഫ് സംഘത്തിന്റെ പിടിയിലായത്.

വിജയകുമാറിന്റെ വീട്ടുവളപ്പിൽ വളർത്തിയിരുന്ന ആറ് കഞ്ചാവ് ചെടികളും ഇവരുടെ പക്കൽനിന്ന് 50 ഗ്രാം കഞ്ചാവുമാണ് കണ്ടെത്തിയത്. വാഗമൺ ഇൻസ്പെക്ടർ എം.ജി. വിനോദ്, എസ്‌ഐമാരായ സതീഷ്‌കുമാർ, ബിജു, എഎസ്ഐ. നൗഷാദ് എന്നിവരുടെ നേതൃത്വത്തിലാണ് പരിശോധന നടത്തിയത്. രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. പിടിയിലായവരെ പീരുമേട് കോടതി റിമാൻഡ് ചെയ്തു.