വീണ്ടും റിക്കോർഡ് ഇട്ട് സ്വർണവില

കൊച്ചി: സംസ്ഥാനത്തിന്റെ ചരിത്രത്തിലെ ഏറ്റവും വലിയ വില രേഖപ്പെടുത്തി സ്വർണം. ഇന്ന് ഒരു ഗ്രാം സ്വർണത്തിന് 50 രൂപയും പവന് 400 രൂപ വർധിച്ചു. ഇതോടെ സ്വർണവില 55,000 കടന്നു. ശനിയാഴ്ച രേഖപ്പെടുത്തിയ 54,720 രൂപ എന്ന റിക്കാർഡാണ് ഇന്ന് മറികടന്നത്.

ഒരു പവൻ സ്വർണത്തിന്റെ ഇന്നത്തെ വിപണി വില 55,120 രൂപയാണ്. ഒരു ഗ്രാം സ്വർണത്തിന് 6,890 രൂപയും. വെള്ളി വിലയിലും വർധനവ് രേഖപ്പെടുത്തി. ഒരു ഗ്രാം സാധാരണ വെള്ളിക്ക് 96 രൂപയിൽനിന്ന് ഒരു രൂപ വർധിച്ചു.

മാർച്ച് 29ന് ആണ് സ്വർണവില ആദ്യമായി 50,000 കടന്നത്. കഴിഞ്ഞമാസം 19ന് 54,500 കടന്ന് സ്വർണവില സർവകാല റിക്കാർഡിട്ട ശേഷം ഇടിഞ്ഞിരുന്നു. വീണ്ടും വില ഉയരുകയാണ്.