ബെംഗളൂരു: കെട്ടിടത്തിന്റെ മുകളിൽ നിന്നു വീണു മലയാളി വിദ്യാർത്ഥിനി മരിച്ചു. വയനാട് മാനന്തവാടി വെള്ളമുണ്ട മലമ്പുറത്ത് ചാക്കോയുടെ മകൾ ലിസ്‌ന (20) ആണു മരിച്ചത്. ഹൊസ്‌കോട്ടയിൽ താമസിച്ചിരുന്ന ലിസ്‌ന കെട്ടിടത്തിന്റെ മൂന്നാം നിലയിൽ നിന്നു താഴേക്ക് വീഴുക ആയിരുന്നു. ചൊവ്വാഴ്ച വൈകിട്ടാണ് സംഭവം. അപകടത്തിൽപ്പെട്ട ഉടൻ ലിസ്‌നയെ ആശുപത്രിയിൽ പ്രവേശിപ്പിച്ചെങ്കിലും രാത്രിയോടെ മരിച്ചു.

മാനന്തവാടി മലബാർ ഇൻസ്റ്റിറ്റ്യൂട്ടിൽ ബിബിഎ അവസാന വർഷ വിദ്യാർത്ഥിയാണ്. ഇന്റേൺഷിപ്പിന് ഒരു മാസം മുൻപാണ് ബെംഗളൂരുവിൽ എത്തിയത്. സംസ്‌കാരം ഇന്ന് 9നു പുളിഞ്ഞാൽ ക്രിസ്തുരാജ പള്ളിയിൽ. മാതാവ്: ലില്ലി. സഹോദരി: ലിൻസ