അമ്പലവയൽ: വയനാട് അമ്പലവയലിൽ ബൈക്ക് നിയന്ത്രണം വിട്ട് കെഎസ്ആർടിസി ബസിലിടിച്ച് യുവാവ് മരിച്ചു. അമ്പലവയൽ ടൗണിലെ വ്യാപാരി റെസ്റ്റ്ഹൗസ് നെടുമ്പള്ളിമ്യാലിൽ രവീന്ദ്രന്റെ മകൻ ദിപിൻ (24) ആണ് മരിച്ചത്.

അമ്പലവയൽ-ചുള്ളിയോട് റോഡിൽ ബവ്‌കോ ഔട്ലെറ്റ് സമീപം ശനിയാഴ്ച വൈകിട്ട് ആറുമണിയോടെയാണ് അപകടം ഉണ്ടായത്. ഉടൻ അമ്പലവയലിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. മാതാവ്: ജിഷ. സഹോദരങ്ങൾ: ദീപക്, ദിവ്യശ്രീ.