തിരുവനന്തപുരം: കേരളത്തിൽ ആഞ്ഞ് വീശിയത് പിണറായി വിരുദ്ധ തരംഗമെന്ന് ആർ എസ് പി നേതാവ് എൻകെ പ്രേമചന്ദ്രൻ. സിപിഎം വിരുദ്ധ തരംഗം പോലുമല്ലെന്നും പ്രേമചന്ദ്രൻ ചൂണ്ടിക്കാട്ടി. ധാർഷ്ട്യവും ധിക്കാരവും അഴിമതിയും നടത്തി പിണറായി ജനങ്ങളെ വെല്ലുവിളിക്കുന്നു. പിണറായിക്ക് കൂടിയുള്ള താക്കീതാണ് തെരഞ്ഞെടുപ്പ് ഫലമെന്നും പ്രേമചന്ദ്രൻ കുറ്റപ്പെടുത്തി. ധാർമികത ഉണ്ടെങ്കിൽ മുഖ്യമന്ത്രി സ്ഥാനത്ത് നിന്ന് പിണറായിയെ മാറ്റാൻ സിപി എം തയ്യാറാകണം. മുഖ്യമന്ത്രി സ്ഥാനത്ത് പിണറായി വിജയൻ തുടർന്നാൽ സംഭവിക്കാൻ പോകുന്നത് സിപിഎമ്മിന്റെ അന്ത്യമാണെന്നും എൻകെ പ്രേമചന്ദ്രൻ കൂട്ടിച്ചേർത്തു.