ന്യൂഡൽഹി: ഹിമാചൽ പ്രദേശ്, മധ്യപ്രദേശ് , ഉത്തരാഖണ്ഡ് എന്നീ സംസ്ഥാനങ്ങളിൽ അടുത്ത മാസം നടക്കുന്ന നിയമസഭാ ഉപതെരഞ്ഞെടുപ്പിനുള്ള ബിജെപിയുടെ സ്ഥാനാർത്ഥികളെ പ്രഖ്യാപിച്ചു. ബിജെപി കേന്ദ്ര തിരഞ്ഞെടുപ്പ് കമ്മിറ്റിയാണ് സ്ഥാനാർത്ഥികളെ പ്രഖ്യാപിച്ചത്.

ഏഴ് സംസ്ഥാനങ്ങളിലെ 13 നിയസഭാ മണ്ഡലങ്ങളിലെ ഉപതെരഞ്ഞെടുപ്പ് ജൂലൈ 10 നാണു നടക്കുക. വോട്ടെണ്ണൽ ജൂലൈ 13 നു നടക്കും . ഇതിൽ മൂന്നു സംസ്ഥാനങ്ങളിലെ സ്ഥാനാർത്ഥി പട്ടികയാണ് ഇപ്പോൾ പുറത്തു വിട്ടിരിക്കുന്നത്. ജൂൺ 21 ആണ് നാമനിർദേശ പത്രിക സമർപ്പിക്കുന്നതിനുള്ള അവസാന തീയതി.

ഹിമാചൽ പ്രദേശ് : ഹോഷിയാർ സിങ് ചംബ്യാൽ (ദെഹാർ ), ആശിഷ് ശർമ്മ (ഹമീർപൂർ ), കൃഷൻ ലാൽ താക്കൂർ (നലഗഡ് ).

മധ്യപ്രദേശ് : കമലേഷ് ഷാ (അമർവാര).

ഉത്തരാഖണ്ഡ് : രാജേന്ദ്ര സിങ് ഭണ്ഡാരി ( ബദരീനാഥ്), കർത്താർ സിങ് ഭദാന ( മംഗ്ലൗർ ).