തിരുവനന്തപുരം: നികത്തിയ നെൽവയലുകൾ പൂർവസ്ഥിതിയിലാക്കാൻ കർശന നടപടിയെടുക്കുമെന്ന് റവന്യൂ മന്ത്രി കെ. രാജൻ. ഇതിനായി പ്രത്യേക റിവോൾവിങ് ഫണ്ട് രൂപവത്കരിച്ചു. നികത്തിയ വയലുകൾ പൂർവസ്ഥിതിയിലാക്കാൻ നോട്ടീസ് നൽകും. പാലിച്ചില്ലെങ്കിൽ സർക്കാർ ഫണ്ട് ഉപയോഗിച്ച് പ്രക്രിയ പൂർത്തിയാക്കി ചെലവ് കുറ്റക്കാരിൽനിന്ന് ഈടാക്കും.

നിയമസഭ പാസാക്കിയ ഭൂപതിവ് നിയമത്തിനുവേണ്ടതായ ചട്ടങ്ങൾ കൊണ്ടുവരും. റവന്യൂ റിക്കവറി നിയമം പരിഷ്‌കരിക്കാനുള്ള നടപടികളിലാണ് സർക്കാർ. 15 ഭേദഗതികൾ തയാറാക്കിവരുന്നതായി അദ്ദേഹം കൂട്ടിച്ചേർത്തു. ഭൂമി തരംമാറ്റൽ പ്രക്രിയ ജൂലൈ ഒന്നുമുതൽ സംസ്ഥാനത്ത് ആരംഭിക്കുമെന്ന്? വകുപ്പുമായി ബന്ധപ്പെട്ട ധനാഭ്യർഥന ചർച്ചകൾക്കുള്ള മറുപടിയിൽ മന്ത്രി പറഞ്ഞു.