മലപ്പുറം: ഭരണകൂട വേട്ടയാടലിന്റെ ഇരയാക്കപ്പെട്ട് അന്യായമായി ജയിലിലടക്കപ്പെട്ട മലയാളി പത്രപ്രവർത്തകൻ സിദ്ദീഖ് കാപ്പന് സുപ്രീംകോടതി ജാമ്യം അനുവദിച്ചത് ഏറെ സന്തോഷമുണ്ടാക്കുന്ന കാര്യമാണെന്ന് മുസ്‌ലിം ലീഗ് അഖിലേന്ത്യ ജനറൽ സെക്രട്ടറി പി.കെ. കുഞ്ഞാലിക്കുട്ടി. അറസ്റ്റ് നടന്ന സമയത്ത് അദ്ദേഹത്തിന്റെ വസതി സന്ദർശിച്ച് നിയമ സഹായം ഉറപ്പുകൊടുത്തിരുന്നു. കേസിൽ ഇടപെട്ട ഡൽഹിയിലെ പത്രപ്രവർത്തകരുമായും അഭിഭാഷകരുമായും ബന്ധപ്പെട്ട് പിന്തുണ അറിയിച്ചിരുന്നതായും കുഞ്ഞാലിക്കുട്ടി പറഞ്ഞു.