ആഫ്രിക്കൻ പന്നിപ്പനിയുടെ സാഹചര്യത്തിലും തമിഴ്‌നാട്ടിൽ നിന്നും പന്നികളെ കടത്തിക്കൊണ്ടു വന്നു; ലൈവ് സ്റ്റോക്ക് ഫാർമേഴ്‌സ് അസോസിയേഷൻ പ്രവർത്തകർ പിൻതുടർന്ന് പിടികൂടി
കോതമംഗലം: നിരോധനം തമിഴ്‌നാട്ടിൽ നിന്നും കടത്തികൊണ്ടുവന്ന പന്നികളെ ലൈവ് സ്റ്റോക്ക് ഫാർമേഴ്‌സ് അസോസിയേഷൻ പ്രവർത്തകർ പിൻതുടർന്ന് പിടികൂടി. ഇന്ന് പുലർച്ചെയാണ് സംഭവം. പാലക്കാട് പന്നിയങ്കര ടോൾപ്ലാസ വഴി കടന്നുപോന്ന തമിഴ്‌നാട് രജിസ്‌ട്രേഷനുള്ള പിക്കപ്പ് വാനിൽ കടത്തിക്കൊണ്ടുവന്ന പന്നികളെയാണ് സംഘടന പ്രവർത്തകർ കോതമംഗലം ഊന്നുകല്ലിലെത്തി പിടികൂടിയത്.
വാഹനം തടഞ്ഞിട്ട് , കൊടികുത്തിയ ശേഷം സംഘടന പ്രവർതകർ വിവരം മൃഗസംരക്ഷണ വകുപ്പ് ഉദ്യോസ്ഥരെ വിവരം അറിയിക്കുകയായിരുന്നു. ആഫ്രിക്കൻ പന്നിപ്പനി സ്ഥിരീകരിച്ചിട്ടുള്ളതിനാൽ തമിഴ് നാട്ടിൽ നിന്നും പന്നികളെയും പന്നി ഇറച്ചിയും അനുബന്ധ ഉൽപ്പന്നങ്ങളും കടത്തിക്കൈാണ്ടുവരുന്നതിൽ കർശന നിയന്ത്രണം നിലനിൽക്കെയാണ് ഊന്നുകല്ലിലെ ഇറച്ചി വിൽപ്പന കേന്ദ്രത്തിലേയ്ക്ക് അനധികൃതമായി പന്നികളെ എത്തിച്ചിട്ടുള്ളതെന്നും ഇത് രോഗവ്യാപനത്തിന് വഴി തെളിക്കുമെന്നും സംഘടന നേതാക്കൾ പറഞ്ഞു.
