കോഴിക്കോട്: കുട്ടികളെ ഉപദ്രവിക്കുന്നത് പതിവാക്കിയ മധ്യവയസ്‌ക്കനെതിരെ വീണ്ടും കേസെടുത്തു. കോഴിക്കോട് താമരശ്ശേരിയിലാണം സംഭവം. പോക്‌സോ കേസിൽ അറസ്റ്റിലായ അമ്പത്തിയൊന്നുകാരനെതിരെയാണ് കേസെടുത്തിരിക്കുന്നത്. പത്ത് വയസുള്ള രണ്ട് പെൺകുട്ടികൾക്ക് നേരെ ലൈംഗിക അതിക്രമം കാട്ടിയതിനാണ് ഈങ്ങാപ്പുഴ സ്വദേശി അഷ്‌റഫിനെ താമരശ്ശേരി പൊലീസ് ഇന്നലെ അറസ്റ്റ് ചെയ്തത്.

പൊലീസ് കസ്റ്റഡിയിലിരിക്കെയാണ് അഷ്‌റഫിനെതിരെയാണ് ഏഴ് വയസുകാരിക്ക് നേരെ ലൈംഗിക അതിക്രമം കാട്ടിയയതിന് താമരശ്ശേരി പൊലീസ് വീണ്ടും കേസെടുത്തത്. താമരശ്ശേരിയിൽ അഷറഫിന്റെ ചൂഷണത്തിന് ഇരയായ കുട്ടികൾ വിവരം കൂട്ടുകാരിയോട് പറഞ്ഞിരുന്നു. കൂട്ടുകാരിയാണ് രക്ഷിതാക്കളെ അറിയിച്ചത്. പെൺകുട്ടികളുടെ രക്ഷിതാക്കൾ നൽകിയ പരാതിയിൽ പൊലീസ് ഇയാളെ അറസ്റ്റ് ചെയ്യുകയായിരുന്നു.

ഈ കേസിൽ പ്രതി കോഴിക്കോട് സബ് ജയിലിൽ റിമാൻഡിലാണ്. പിന്നാലെയാണ് പ്രതി നടത്തിയ മറ്റൊരു അതിക്രമത്തിന്റെ വിവരം കൂടി പുറത്തുവരുന്നത്. ഏഴ് വയസുകാരിക്ക് നേരെ ലൈംഗിക അതിക്രമം നടന്നെന്ന കാര്യം രക്ഷിതാക്കളാണ് താമരശ്ശേരി പൊലീസിനെ അറിയിച്ചത്.

അതിക്രമ വിവരം പെൺകുട്ടി രക്ഷിതാക്കളെ അറിയിക്കുകയായിരുന്നു. തുടർന്ന് താമരശ്ശേരി പൊലീസ് അഷ്‌റഫിനെതിരെ പോക്‌സോ വകുപ്പ് പ്രകാരം മറ്റൊരു കേസ് കൂടി രജിസ്റ്റർ ചെയ്തു. ഇരകളുടെ മൊഴി പൊലീസ് രേഖപ്പെടുത്തി. പ്രതി കൂടുതൽ കുട്ടികളെ പീഡിപ്പിച്ചിട്ടുണ്ടോ എന്നും പൊലീസ് പരിശോധിക്കും.