പ്രമോജ് ശങ്കർ കെ എസ് ആർ ടി സി സിഎംഡി; സ്വിഫ്റ്റിന്റെ ചുമതലയും; നിയമനം ബിജു പ്രഭാകറിന്റെ ഒഴിവിൽ

തിരുവനന്തപുരം: കെഎസ്ആർടിസി സിഎംഡിയായി പ്രമോജ് ശങ്കറിനെ നിയമിച്ചു. നിലവിൽ അഡീഷനൽ ഗതാഗത കമ്മീഷണറും കെഎസ്ആർടിസി ജോയിന്റ് മാനേജിങ് ഡയറക്ടറുമായിരുന്നു. സ്വിഫ്റ്റ് സിഎംഡി ചുമതലയും പ്രമോജ് ശങ്കറിന് നൽകി.

തിരുവനന്തപുരം വെമ്പായം സ്വദേശിയായ പ്രമോജ് ഐഒഎഫ്എസ് ഉദ്യോഗസ്ഥനാണ്. ബിജു പ്രഭാകറിന്റെ ഒഴിവിലേക്കാണ് നിയമനം. ലേബർ കമ്മീഷണറും സെക്രട്ടറിയുമായ കെ.വാസുകിക്കാണ് ഗതാഗതവകുപ്പ് സെക്രട്ടറിയുടെ അധികച്ചുമതല.

മന്ത്രി കെ.ബി.ഗണേശ് കുമാറുമായുള്ള അഭിപ്രായ ഭിന്നതയെ തുടർന്ന് ബിജു പ്രഭാകർ പദവിയിൽ മാറ്റം ആവശ്യപ്പെട്ടിരുന്നു. തുടർന്ന് ബിജു പ്രഭാകറിനെ വ്യവസായ വകുപ്പിലേക്ക് മാറ്റിയിരുന്നു.