മലപ്പുറം: ഭിന്നശേഷിയുള്ള യുവതിയെ ഗൾഫിൽ വച്ച് പീഡിപ്പിച്ച ഭർതൃസഹോദരൻ പിടിയിൽ. ഭർത്താവിന്റെയും, സഹോദരിയുടെയും സഹായത്തോടെ ആയിരുന്നു പീഡനം. കേസിൽ ഒളിവിലായിരുന്ന മലപ്പുറം ചങ്ങരംകുളം സ്വദേശിയെ കരിപ്പൂർ വിമാനത്തവളത്തിൽ വെച്ച് ചങ്ങരംകുളം പൊലീസ് അറസ്റ്റ് ചെയ്തു.

വിദേശത്തായിരുന്ന ചങ്ങരംകുളം സ്വദേശിയായ 49കാരനെയാണ് ചങ്ങരംകുളം സിഐ ബഷീർ ചിറക്കൽ അറസ്റ്റ് ചെയ്തത്. 2020ൽ ആണ് കേസിന് ആസ്പദമായ സംഭവം നടന്നത്. മാനസിക വെല്ലുവിളി നേരിടുന്ന ചങ്ങരംകുളം സ്വദേശിയായ പെൺകുട്ടി വിവാഹത്തിന് ശേഷം ഗൾഫിലെത്തിയപ്പോൾ പെൺകുട്ടിയുടെ ഭർത്താവിന്റെയും സഹോദരിയുടെയും ഒത്താശയോടെ മറ്റൊരാൾ പീഡിപ്പിച്ചെന്നായിരുന്നു പരാതി.

സംഭവത്തിൽ യുവതിയുടെ ഭർത്താവും, സഹോദരിയും നേരത്തെ അറസ്റ്റിലായിരുന്നു.വിദേശത്തായിരുന്ന പ്രതിക്കായി പൊലീസ് ലുക്കൗട്ട് നോട്ടീസ് പുറത്തിറക്കിയിരുന്നു. ചങ്ങരംകുളം സിഐ ബഷീർ ചിറക്കലിന്റെ നേതൃത്വത്തിൽ എസ്‌ഐ ബാബു ജോർജ്ജ്,സീനിയർ സി.പി.ഒ ഷിജു, സനോജ്, കപിൽ എന്നിവർ ചേർന്ന് കോഴിക്കോട് എയർപോർട്ടിൽ വച്ചാണ് പ്രതിയെ പിടികൂടിയത്. പിടിയിലായ പ്രതിയെ പൊന്നാനി ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കി റിമാന്റ് ചെയ്തു

 

ജംഷാദ് മലപ്പുറം

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍