അഞ്ചംഗ വിനോദയാത്ര സംഘത്തിനൊപ്പമെത്തിയവർ മൊബൈലിൽ ഫോട്ടോ എടുക്കുമ്പോൾ കാൽവഴുതി പുഴയിൽ വീണു; വടാട്ടുപാറ പുഴയിൽ കാണാതായ തോപ്പുംപടി സ്വദേശികൾ മരിച്ചു; ആന്റണി ബാബുവിന്റേയും ബിജുവിന്റേയും മൃതദേഹം കണ്ടെത്തി ഫയർഫോഴ്‌സ്

കോതമംഗലം: വടാട്ടുപാറ പലവൻപടി പുഴയിൽ കാണാതായ തോപ്പുംപടി സ്വദേശികളായ ആന്റണി ബാബു(47) ,പി എസ് ബിജു(55) എന്നിവരുടെ മൃതദ്ദേഹങ്ങൾ കണ്ടെടുത്തു. അഞ്ചംഗ വിനോദയാത്ര സംഘത്തിനൊപ്പമെത്തിയ ഇവർ മൊബൈലിൽ ഫോട്ടോ എടുക്കുമ്പോൾ കാൽവഴുതി പുഴയിൽ പതിക്കുകയായിരുന്നു. ഇന്നലെ വൈകിട്ടായിരുന്നു ദുരന്തം.

ഇന്നലെ കോതമംഗലത്ത് നിന്ന് ഫയർഫോഴ്സ് സംഘം എത്തി തെരച്ചിൽ നടത്തിയെങ്കിലും കണ്ടെത്താൻ കഴിഞ്ഞിരുന്നില്ല.ഇന്ന് രാവിലെ ആന്റണി ജോൺ എംഎ‍ൽഎ, തഹസിൽദാർ റേച്ചൽ കെ വർഗീസ് എന്നിവരുടെ നേത്രത്വത്തിൽ ഫയർ ഫോഴ്‌സും , പൊലീസും നാട്ടുകാരും ചേർന്ന് നടത്തിയ തിരച്ചിലിലാണ് പലവൻ പുഴയിൽ നിന്നും ഇരുവരുടേയും മൃതദേഹം കണ്ടെത്തിയത്. കോതമംഗലം പൊലീസ് മേൽനടപടികൾ സ്വീകിരച്ചുവരുന്നു.