ഇടുക്കി:മുൻ വൈരാഗ്യത്തെ തുടർന്ന് അയൽവാസിയെ വെട്ടി കൊലപ്പെടുത്താൻ ശ്രമിച്ച യുവാവിനെ കസ്റ്റഡിയിലെടുത്ത് പൊലീസ്.ക്രിസ്മസ് ദിനത്തിൽ അയൽവാസിയെ തലയ്ക്ക് വെട്ടി ഗുരുതരമായി പരിക്കേൽപ്പിച്ച ശേഷം കടന്നുകളഞ്ഞ കെ ഡിഎച്ച്പി കമ്പനി ഗൂഡാർവിള എസ്റ്റേറ്റിൽ ഫാക്ടറി ഡിവിഷനിൽ പി.വിവേക് (32) നെയാണ് ദേവികുളം എസ് എച്ച് ഓ എസ്. ശിവലാലിന്റെ നേതൃത്വത്തിൽ അറസ്റ്റു ചെയ്തത്.ഗൂഡാർവിള ഫാക്ടറി ഡിവിഷനിൽ എം. രാജാ (34) ആണ് തലയ്ക്ക് വെട്ടേറ്റ് ഗുരുതരാവസ്ഥയിൽ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്നത്.

കൊച്ചിയിൽ ഓട്ടോ റിക്ഷാ ഡ്രൈവറായ രാജാ എസ്റ്റേറ്റിലെ ക്ഷേത്ര ഉത്സവത്തിൽ പങ്കെടുക്കാനായാണ് ഗൂഡാർവിളയിലെ വീട്ടിലെത്തിയത്. ക്രിസ്മസ് ദിനം രാത്രിയിൽ ബന്ധുവിന്റെ വീടിനു മുൻപിൽ നിൽക്കുമ്പോൾ പിന്നിലൂടെയെത്തിയ വിവേക് വാക്കത്തി കൊണ്ട് തലയ്ക്ക് വെട്ടുകയായിരുന്നു.ഇരുവരും തമ്മിൽ മുൻ വൈരാഗ്യമുണ്ടായിരുന്നുവെന്നും ക്രിസ്മസ് ദിനം പകൽ ഇരുവരും തമ്മിൽ വാക്കുതർക്കമുണ്ടായതായും ബന്ധുക്കൾ പറഞ്ഞു.മൂന്നാർ ടൗണിലെ ടാക്‌സി ജീപ്പ് ഡ്രൈവറാണ് പ്രതി വിവേക്.ദേവികുളം കോടതിയിൽ ഹാജരാക്കിയ പ്രതിയെ റിമാന്റു ചെയ്തു.

അയൽവാസിയെ വെട്ടി പരിക്കേൽപ്പിച്ചുയുവാവ് പിടിയിൽ

മറുനാടന്‍ മലയാളി

    മറുനാടന്‍ മലയാളി ബ്യൂറോ