മുന്നാർ : ആനയറങ്ങലിൽ കാട്ടു കൊമ്പന്റെ മുന്നിൽ പ്പെട്ട ബൈക്കു യാത്രക്കാർ അൽഭുതകരമായി രക്ഷപ്പെട്ടു.ഫോറസ്റ്റ്റ്റ് വാച്ചറുടെ സമയോചിത ഇടപെടലാണ് അത്ഭുത രക്ഷപ്പെടലിന് വഴിവെച്ചത്.മൂന്നാറിലെ ഇന്നത്തെ സംഭവം ഇങ്ങനെ..ആനയറങ്ങലിൽ ആന ഇറങ്ങിയതിന്റെ ദൃശ്യങ്ങൾ പകർത്തുകയായിരുന്നു ഫോറസ്റ്റ് വാച്ചർ ശക്തിവേൽ.ഈ സമയമാണ് മറുവശത്ത് നിന്ന് ബൈക്കിൽ യുവാക്കൾ വന്നത്.

വളവ് തിരിഞ്ഞ് റോഡിൽ ആനയെ കണ്ടതോടെ ഭയപ്പാടിൽ ഒബെക്ക് ഓടിച്ചിരുന്ന ആൾക്ക് നിയന്ത്രണം തെറ്റി മറിഞ്ഞു വീണു.പുറകിലിരുന്ന ആൾ ഓടി രക്ഷപെട്ടെങ്കിലും മുണ്ട് ബൈക്കിൽ കുടുങ്ങിയതിനാൽ ഓടി രക്ഷപെടാനായില്ല.ഈ സമയം ദൃശ്യങ്ങൾ പകർത്തുകയായിരുന്ന വാച്ചർ ഓടടാ.. ഓടടാ എന്ന് അലറിവിളിച്ചു.

മറ്റൊരും സമീപത്തെങ്ങും ഇല്ലതിരുന്നതിനാൽ ഒച്ചപ്പാട് കേട്ട് കൊമ്പൻ പതിയെ കാട്ടിലേയ്ക്ക് മറഞ്ഞു.ഇതോടെയാണ് ശക്തിയുടെ ശ്വാസം നേരെ വീണത്.പിന്നാലെ യുവാവിനെ രക്ഷപ്പെടുത്തുകയായിരുന്നു.നേരത്തെയും സമാനരീതിയിൽ ശക്തിവേൽ അനയെ കാട്ടിലേക്ക് കയറ്റി വിട്ടിട്ടുണ്ട്.

മുമ്പ് റോഡിലിറങ്ങിയ കാട്ടു കൊമ്പനെ കേറിപ്പോടാ... കേറിപ്പോടാ ...എന്നു പറഞ്ഞ് ശക്തിവേൽ കാടു കയറ്റുന്ന വീഡിയോ ദൃശ്യം വൈറലായിരുന്നു.

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.