വേൾഡ് ട്രേഡ് സെന്റർ ആക്രമണവും ബ്രെക്സിറ്റും കൃത്യമായി പ്രവചിച്ച അന്ധയായ മുത്തശ്ശി. ബാൾക്കൻ രാജ്യങ്ങളുടെ നോസ്റ്റർഡാമസ് എന്നറിയപ്പെടുന്ന ബാബ വാൻഗ പ്രവചിക്കുന്നത് 2024 നെ കാത്തിരിക്കുന്നത് കടുത്ത ദുരന്തങ്ങളാണ് എന്നാണ്. അതീന്ദ്രിയ ശക്തി ഉണ്ടെന്ന് വിശ്വസിക്കപ്പെടുന്ന ഇവരുടെ 85 ശതമാനം പ്രവചനങ്ങളും ഇതിനോടകം തന്നെ യാഥാർത്ഥ്യമായിട്ടുണ്ട് എന്ന് പറയുന്നു.

കുട്ടിയായിരിക്കുമ്പോൾ, തന്റെ ജന്മനാടായ ബൾഗേറിയയിൽ ഉണ്ടായ വൻ വെള്ളപ്പൊക്കത്തിൽ അവർ ഒലിച്ചു പോയിരുന്നു. ആ ഒഴുക്കിൽ കണ്ണിനകത്ത് ധാരാളം മണ്ണടിഞ്ഞ് അവർ അന്ധയായി മാറി. അന്ധയായതിനു ശേഷമാണ് അവർക്ക് ഈ അതീന്ദ്രിയ ശക്തി ലഭിച്ചതെന്ന് പറയുന്നു. ചെർണോബിൽ ദുരന്തം,. ഡയാന രാജകുമാരിയുടെ മരണം, സോവിയറ്റ് യൂണിയന്റെ തകർച്ച എന്നിവയൊക്കെ ഇവർ കൃത്യമായി പ്രവചിച്ചിരുന്നു. 1996-ൽ തന്റെ 84-ാം വയസ്സിൽ അവർ മരണപ്പെട്ടു എങ്കിലും അവരുടെ പ്രവചനങ്ങളിൽ പലതും അവരുടെ മരണശേഷം പുറത്തു വരാൻ തുടങ്ങി.

2024-നെ കുറിച്ച് ബാബ പ്രവചിച്ചിരിക്കുന്നതിൽ ആദ്യത്തേത് റഷ്യൻ പ്രസിഡണ്ട് വ്ളാഡിമിർ പുടിൻ കൊല്ലപ്പെടും എന്നതാണ്. അസ്ട്രോഫെയിം ആണ് ഇപ്പോൾ ഈ പ്രവചനങ്ങൾ പുറത്തു വിട്ടിരിക്കുന്നത്. പുടിന് കാൻസർ ആണെന്ന വാർത്ത റഷ്യ തുടർച്ചയായി നിഷേധിക്കുകയാണെന്ന് ഓർക്കണം. മറ്റൊന്ന് യൂറോപ്പിൽ തീവ്രവാദി ആക്രമണങ്ങൾ വർദ്ധിക്കും എന്നതാണ്. അതുപോലെ ഒരു വലിയ രാജ്യം ജൈവായുധങ്ങൾ പരീക്ഷിക്കുകയോ അത് ഉപയോഗിച്ച് ആക്രമിക്കുകയോ ചെയ്യുമെന്നും അവരുടെ പ്രവചനത്തിൽ പറയുന്നു.

ആഗോള സമ്പദ്വ്യവസ്ഥ ആഴങ്ങളിലേക്ക് കൂപ്പുകുത്തും. കട ബാദ്ധ്യതകൾ വർദ്ധിക്കും. ഭൗമ രാഷ്ട്രീയ സംഘർഷങ്ങൾ വർദ്ധിക്കും അതോടൊപ്പം ലോകസമ്പദ്ഘടനയുടെ ശക്തികേന്ദ്രം പടിഞ്ഞാറിൽ നിന്ന് കിഴക്കിലേക്ക് മാറുമെന്നും അവർ പ്രവചിച്ചിട്ടുണ്ട്. പ്രകൃതി ദുരന്തങ്ങളുടെ കുത്തൊഴുക്കായിരിക്കും അടുത്ത വർഷമെന്നാണ് ബാബ പ്രവചിച്ചിരിക്കുന്നത്. വളരെ കാലമെടുത്ത് മാത്രം നടക്കുന്ന ഭ്രമണപഥ വ്യതിയാനവും അടുത്ത വർഷം സംഭവിക്കും. സാധാരണയായി ദീർഘകാലയളവിൽ മാത്രം സംഭവിക്കുന്ന ഈ പ്രതിഭാസം, കേവലം ഒരു വർഷം കൊണ്ട് സംഭവിച്ചാൽ അതിന്റെ ഫലമായി ഗുരുതരമായ കാലാവസ്ഥാ വ്യതിയാനങ്ങളും, റേഡിയേഷൻ അളവുകളിൽ വർദ്ധനയും സംഭവിക്കും.

സൈബർ ആക്രമണങ്ങളുടെ കുത്തൊഴുക്കായിരിക്കും അടുത്ത വർഷം എന്നാണ് ബാബ പ്രവചിച്ചിരിക്കുന്നത്. പവർഗ്രിഡുകൾ, വാട്ടർ ട്രീറ്റ്മെന്റ്പ്ലന്റുകൾ തുടങ്ങിയ തന്ത്രപ്രധാന കേന്ദ്രങ്ങളെ ആയിരിക്കും ഇവർ ഉന്നം വയ്ക്കുക. പല രാജ്യങ്ങളിലും ദേശീയ സുരക്ഷ അപകടമാകുന്ന തലത്തിലേക്ക് സൈബർ ആക്രമണങ്ങൾ മാറിയേക്കുമെന്നും അവർ പ്രവചിച്ചിട്ടുണ്ട്. പൂർണ്ണമായും ദുരന്തങ്ങൾ മാത്രമല്ല അടുത്ത വർഷത്തേക്ക് ബാബ പ്രവചിച്ചിരിക്കുനന്ത്. വൈദ്യശാസ്ത്ര ലോകത്ത് നിന്ന് ഏറെ ആശ്വാസപ്രദമായ നിരവധി നല്ല വാർത്തകൾ ലഭിക്കും. അൽഷമേഴ്സ് ഉൾപ്പടെ ഇപ്പോൾ ചികിത്സിച്ചു ഭേദമാക്കാൻ കഴിയാത്ത പല രോഗങ്ങൾക്കും ഫലപ്രദമായ ചികിത്സകൾ കണ്ടു പിടിക്കും. മാത്രമല്ല, 2024 ൽ കാൻസറിന് ഫലപ്രദമായ പ്രതിവിധി കണ്ടുപിടിക്കുമെന്നും അവർ പറയുന്നു.

അതീന്ദ്രിയ ശക്തിയുള്ള ബാബ, 2024-ൽക്വാണ്ടം കമ്പ്യുട്ടിംഗിൽ വിപ്ലവകരമായ പല പുതിയ ചുവടുവയ്പുകളും ഉണ്ടാകുമെന്ന് പ്രവചിച്ചതായി ഹിസ്റ്ററി യു കെ റിപ്പോർട്ട് ചെയ്യുന്നു. പരമ്പരാഗത കമ്പ്യുട്ടറുകളേക്കാൾ വേഗത്തിൽ പ്രശ്നങ്ങൾക്ക് പരിഹാരം കണ്ടെത്താൻ ക്വാണ്ടം കമ്പ്യുട്ടിങ് വഴി സാധ്യമാകും. ഇത് അടുത്ത വർഷം സംഭവിച്ചാൽ അതിവേഗം ഈ മേഖല പുരോഗമിക്കും. 

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌