പുണ്യം പോലെ പകർന്നു കിട്ടിയ കമ്പം; കുഞ്ഞായിരുന്നപ്പോൾ അഭിരുചി അറിഞ്ഞത് വഴിത്തിരിവായി; സ്വപ്നം സഫലമായതിന്റെ സന്തോഷത്തിൽ ബാലസുബ്രഹ്ണ്യൻ; മിമിക്രിയിലെ വിജയം അച്ഛനുള്ള ഗുരുദക്ഷിണയെന്ന് സൂര്യ

കോഴിക്കോട് : അച്ഛന്റെ സ്വപ്നം സഫലമാക്കി മകൾ. ഇന്ന് സംസ്ഥാന സ്‌കൂൾ കലോത്സവത്തിൽ മിമിക്രിയിൽ അച്ഛന്റെ ബാലസുബ്രഹ്ണ്യന്റെ ശിക്ഷണത്തിലാണ് പാലക്കാട് ശ്രീകൃഷ്ണപുരം ഹയർ സെക്കൻഡറി സ്‌കൂളിൽ പ്ലസ് വൺ വിദ്യാർത്ഥിനിയായ സൂര്യ എ ഗ്രേഡ് സ്വന്തമാക്കിയത്. അക്ഷരാർത്ഥത്തിൽ അച്ഛനുള്ള ഗുരുദക്ഷിണയായി സൂര്യയുടെ മികച്ച പ്രകടനം .

തന്റെ മിമിക്രി കമ്പം ഒരു പുണ്യം പോലെ മകൾക്ക് പകർന്നുകിട്ടുകയായിരുന്നെ ന്നും ഇതാണ് ഇപ്പോൾ മനം നിറഞ്ഞ സന്തോഷത്തിന് വക നൽകിയിരിക്കുന്നതെന്നും ബാലസുബ്രഹ്‌മണ്യൻ പറഞ്ഞു. വൈക്കം വിജയലക്ഷ്മിയുടേയും പ്രായം കുറഞ്ഞ കുട്ടിയുടെയും
ഹെലികോപ്റ്ററിന്റേയും ഒക്കെ ശബ്ദം ഒട്ടും തനിമ ചോരാതെ അവതരിപ്പിച്ചാണ് ഈ കൊച്ചുമിടുക്കി സൂര്യ എ ഗ്രേഡ് സ്വന്തമാക്കിയത്.

സംസ്ഥാന തലത്തിൽ ഇത് സൂര്യയുടെ കന്നി മത്സരമാണ്. അറാം ക്ലാസ്സിൽ പഠിക്കുമ്പോൾ പക്ഷി -മൃഗാദികളുടെ ശബ്ദങ്ങളെ അനുകരിച്ചാണ് തുടക്കം. സ്‌കൂൾ-ജില്ലാ തലങ്ങളിൽ നിരവധി
സമ്മാനങ്ങൾ കരസ്ഥമാക്കിയിട്ടുണ്ട്

കുഞ്ഞുന്നാളിലെ അടുപ്പമുള്ളവർ പറയുന്നത് അനുകരിക്കുമായിരുന്നു. അൽപ്പം കൂടി മുതിർന്നപ്പോൾ നായ്കുരയ്ക്കുന്നതും പൂച്ച കരയുന്നതും കിളികൾ ചിലയ്ക്കുന്നതുമെല്ലാം ഒട്ടൊക്കെ സാമ്യതയിൽ കുഞ്ഞുവായിൽ നിന്നും പുറത്തുവന്നു. ഇത് കേട്ടിട്ടാണ് സുബ്രഹ് ണ്യൻ മകളെ മിമിക്രിയുടെ വഴിയിലേയ്ക്ക് നയിച്ചത്