കാലിഫോർണിയ: ഇന്ത്യൻ വിദ്യാർത്ഥിനിയെ അമേരിക്കയിൽ കാണാതായി. കാലിഫോർണിയ സ്റ്റേറ്റ് യൂണിവേഴ്സിറ്റി, സാൻ ബെർണാർഡിനോ(സി.എസ്.യു.എസ്.ബി)യിലെ വിദ്യാർത്ഥിനിയായ നീതിഷ കണ്ഡുല(23)യെയാണ് ദുരൂഹസാഹചര്യത്തിൽ കാണാതായത്.

മെയ്‌ 25-നാണ് നിതീഷയെ കാണാതായതെന്ന് പൊലീസ് വ്യക്തമാക്കി. ലോസ് ആഞ്ജലീസിലാണ് വിദ്യാർത്ഥിനിയെ അവസാനമായി കണ്ടത്. കാലിഫോർണിയ രജിസ്ട്രേഷനിലുള്ള ടൊയോട്ട കൊറോള കാറായിരുന്നു പെൺകുട്ടി ഉപയോഗിച്ചിരുന്നത്. ഇതിനുശേഷം മെയ്‌ 30-നാണ് വിദ്യാർത്ഥിനിയെ കാണാനില്ലെന്ന വിവരം പൊലീസിൽ റിപ്പോർട്ട് ചെയ്തത്. തുടർന്ന് പൊലീസ് കേസെടുത്ത് അന്വേഷണം ആരംഭിക്കുകയായിരുന്നു.

വിദ്യാർത്ഥിനിയെക്കുറിച്ച് എന്തെങ്കിലും വിവരം ലഭിക്കുന്നവർ ബന്ധപ്പെടണമെന്ന് പൊലീസ് അറിയിച്ചിട്ടുണ്ട്. നിതീഷയുടെ ഉയരവും ശരീരപ്രകൃതവും ഉൾപ്പെടെ വിശദീകരിച്ചുള്ള അറിയിപ്പും ചിത്രവും പൊലീസ് പുറത്തുവിട്ടിട്ടുണ്ട്.