ഇരുപത് മീറ്റർ ആഴമുള്ള കിണറ്റിൽ വീണു; രണ്ടുവയസ്സുകാരന് ദാരുണാന്ത്യം

മൊറോക്കോ: ഇരുപത് മീറ്റർ ആഴമുള്ള കിണറ്റിൽ വീണ് രണ്ടു വയസ്സുകാരൻ മരിച്ചു. മൊറോക്കോയിൽ വ്യാഴാഴ്ച രാത്രിയാണ് സംഭവം. വിവരമറിഞ്ഞ് ഒരു മണിക്കൂറിനുള്ളിൽ തന്നെ രക്ഷാപ്രവർത്തക സംഘം സ്ഥലത്തെത്തിയിരുന്നു.

എന്നാൽ അപ്പോഴേക്കും കുട്ടി മരണപ്പെട്ടിരുന്നു. സമാന രീതിയിൽ ഈ വർഷം ആദ്യം 32 മീറ്റർ ആഴമുള്ള ഉപേക്ഷിക്കപ്പെട്ട കുഴിയിൽ വീണ് അഞ്ചു വയസ്സുകാരൻ മരണപ്പെട്ടിരുന്നു. നാല് ദിവസങ്ങളുടെ പരിശ്രമത്തിന് ശേഷമാണ് രക്ഷാപ്രവർത്തക സംഘത്തിന് കുട്ടിയെ പുറത്തെടുക്കാനായത്. നൂറു മീറ്ററോളം പാറ തുരന്നാണ് കുട്ടിക്ക് അരികിലെത്തിയത്. കുട്ടിയെ പുറത്തെത്തിച്ചെങ്കിലും ജീവൻ രക്ഷിക്കാനായിരുന്നില്ല.