യുഎഇയിൽ കോവിഡ് നിബന്ധനകളിൽ കൂടുതൽ ഇളവുകൾ

അബുദാബി: പ്രതിദിന കോവിഡ് കേസുകളിൽ ഗണ്യമായ കുറവ് രേഖപ്പെടുത്തിയതോടെ യുഎഇയിൽ കോവിഡ് നിബന്ധനകളിൽ കൂടുതൽ ഇളവുകൾ പ്രഖ്യാപിച്ചു. സ്‌കൂളുകളിൽ ഉൾപ്പെടെ ഭൂരിഭാഗം സ്ഥലങ്ങളിലും മാസ്‌ക് ഒഴിവാക്കി. പള്ളികളിലും ആശുപത്രികളിലും പൊതുഗതാഗത സംവിധാനത്തിലും മാസ്‌ക് ധരിക്കണം. എന്നാൽ പള്ളികളിലെ സാമൂഹിക അകലം ഒഴിവാക്കി. പുതിയ നിയമങ്ങൾ സെപ്റ്റംബർ 28 മുതൽ പ്രാബല്യത്തിൽ വരും.

വിമാനങ്ങളിൽ മാസ്‌ക് ധരിക്കണമെന്ന് നിർബന്ധമില്ല. എന്നാൽ ആവശ്യമായി വന്നാൽ മാസ്‌ക് ധരിക്കണമെന്ന നിയമം നടപ്പിലാക്കാൻ വിമാന കമ്പനിതൾക്ക് ഉചിതമായ തീരുമാനമെടുക്കാം. സ്‌കൂളുകളിൽ മാസ്‌ക് നിർബന്ധമല്ല. സെപ്റ്റംബർ 28 മുതൽ സ്വകാര്യ സ്‌കൂളുകൾ, ചൈൽഡ്ഹുഡ് സെന്ററുകൾ, യൂണിവേഴ്സിറ്റികൾ, ട്രെയിനിങ് സ്ഥാപനങ്ങൾ എന്നിവിടങ്ങളിൽ സെപ്റ്റംബർ 28 മുതൽ മാസ്‌ക് നിർബന്ധമല്ലെന്ന് ദുബായ് വൈജ്ഞാനിക മാനവ വികസന അഥോറിറ്റി അറിയിച്ചു. ഭക്ഷണം വിതരണം ചെയ്യുന്നവരും രോഗലക്ഷണമുള്ളവരും മാസ്‌ക് ധരിക്കണം.