ഉംറ വിസാ കാലാവധി ദീർഘിപ്പിക്കാനാവില്ലെന്ന് മന്ത്രാലയം

റിയാദ്: ഉംറ വിസാ കാലാവധി ദീർഘിപ്പിക്കാൻ കഴിയില്ലെന്ന് ഹജ്, ഉംറ മന്ത്രാലയം അറിയിച്ചു. ഉംറ വിസക്ക് 90 ദിവസത്തെ കാലാവധിയാണുള്ളത്. ഇത് ദീർഘിപ്പിക്കാൻ രാജ്യത്ത് നിലവിലുള്ള നിയമങ്ങൾ അനുവദിക്കുന്നില്ലെന്ന് ഇതുമായി ബന്ധപ്പെട്ട് ലഭിച്ച അന്വേഷണത്തിന് മറുപടിയായി ഹജ്, ഉംറ മന്ത്രാലയം വ്യക്തമാക്കി.

ഉംറ സർവീസ് കമ്പനികളും സ്ഥാപനങ്ങളും തീർത്ഥാടകർക്ക് ഏറ്റവും ഭംഗിയായി സേവനങ്ങൾ നൽകുകയും സേവന ഗുണനിലവാരം ഉയർത്തുകയും വേണം. തങ്ങൾക്കു കീഴിലുള്ള ഉംറ തീർത്ഥാടകർക്ക് ഉംറ പെർമിറ്റുകളും മദീന മസ്ജിദുന്നബവി റൗദ ശരീഫിൽ നമസ്‌കാരം നിർവഹിക്കാനുള്ള പെർമിറ്റുകളും ഇഷ്യു ചെയ്തുകൊടുക്കുന്നതിന്റെയും പെർമിറ്റുകളിൽ നിർണയിച്ച കൃത്യസമയത്ത് തീർത്ഥാടകരെ വിശുദ്ധ ഹറമിലെത്തിക്കുന്നതിന്റെയും പൂർണ ഉത്തരവാദിത്തം ഉംറ സർവീസ് കമ്പനികൾക്കാണ്.