ഖത്തറിൽ വ്യാഴാഴ്ച മഴയ്ക്ക് വേണ്ടി പ്രത്യേക പ്രാർത്ഥന

ദോഹ: ഖത്തറിൽ വ്യാഴാഴ്ച മഴയ്ക്ക് വേണ്ടി പ്രത്യേക പ്രാർത്ഥന (ഇസ്തിസ്ഖ) നടത്തും. പ്രാർത്ഥനയിൽ അമീർ ശൈഖ് തമീം ബിൻ ഹമദ് അൽഥാനി പങ്കെടുക്കും.

രാവിലെ 5.53നാണ് രാജ്യത്ത് സമൃദ്ധമായ മഴ ലഭിക്കാൻ വേണ്ടി പ്രാർത്ഥന നടത്തുന്നത്. അൽ വജ്ബ പാലസിലെ പ്രാർത്ഥനാ കേന്ദ്രത്തിൽ അമീറും നമസ്‌കാരത്തിൽ പങ്കെടുക്കും. രാജ്യത്തെ പള്ളികളിലും മഴ പ്രാർത്ഥന നടക്കുമെന്ന് ഔഖാഫ് ഇസ്ലാമിക കാര്യ മന്ത്രാലയം അറിയിച്ചു.