ഒമാനിൽ ക്ലോറിൻ വാതകം ചോർന്ന് 42 പേർ ആശുപത്രിയിൽ

മസ്‌കറ്റ്: ഒമാനിൽ ക്ലോറിൻ വാതകം ചോർന്നതിനെ തുടർന്ന് ശ്വാസ തടസ്സം നേരിട്ട 42 പേരെ ആശുപത്രിയിൽ പ്രവേശിപ്പിച്ചു. വടക്കൻ ബാത്തിനയിലെ മുവൈലിഹ് വ്യവസായ മേഖലയിലെ ഒരു കമ്പനിയിൽ സിലിണ്ടറിൽ സംഭരിച്ചിരുന്ന ക്ലോറിൻ വാതകമാണ് ചോർന്നത്.

ചികിത്സയിലുള്ളവരിൽ ചിലരുടെ നില ഗുരുതരമാണ്. വാതക ചോർച്ച നിയന്ത്രിക്കാൻ സാധിച്ചതായും സിവിൽ ഡിഫൻസ് ആൻഡ് ആംബുലൻസ് അഥോറിറ്റി അറിയിച്ചിട്ടുണ്ട്. സ്ഥിതി നിയന്ത്രണ വിധേയമാണെന്ന് ഒമാൻ എൺവയോൺമെന്റ് അഥോറിറ്റിയും അറിയിച്ചു.

ചോർച്ചയുണ്ടായ സിലിണ്ടർ സുരക്ഷിത സ്ഥാനത്തേക്ക് മാറ്റി. അപകടങ്ങൾ ഒഴിവാക്കാൻ സുരക്ഷാ നടപടിക്രമങ്ങൾ കർശനമായും പാലിക്കണ്ടതിന്റെ ആവശ്യകതയാണ് ഇത്തരം സംഭവങ്ങൾ സൂചിപ്പിക്കുന്നതെന്ന് സിവിൽ ഡിഫൻസ് അറിയിച്ചു.